【#我已不顧安危誓死都一齊】
聽日國殤，我身邊有啲男仔都話唔想女朋友出去
因為好怕到出事嘅時候連自己都保護唔到佢。
我諗起前幾日麥仔好擔心我一個人出港島搵佢
於是佢叫我留喺屋企做哨兵，等佢可以無後顧之憂
嗰一整日我都坐立不安，係咁refresh FB/TG⋯
係咁睇住live又睇住佢last seen時間，睇下會唔會得番單tick⋯
到夜晚我生理上真係有種想嘔同呼吸唔到嘅感覺
所以我決定我唔會再咁樣由佢自己出去了。
我唔知自己會唔會成為佢嘅負擔/拖佢後腿
但我希望可以親眼確定佢依然安全
就算有咩事，起碼第一時間知道
唔好睇小港女啦你地！
唔好仲覺得女人留喺屋企，男人出去打仗
望夫石？不了。姐不是城堡廢柴，姐是花木蘭啊。
係花木蘭，唔係劉亦菲呀下。
我哋一齊去，然後一齊走。
「未怕挨緊頸邊穿過橫飛的子彈 跟你去走難」---《飛女正傳》
點估到我哋呢對香港土生土長情侶，
有日會真係體會到呢句歌詞。
IG：@hkgirlfriend
FB：港女友
Search